ന്യൂഡല്‍ഹി: അധ്യാപക ദിനത്തില്‍ സോഷ്യല്‍ മീഡിയ ട്രോളന്മാരെ ട്രോളി വയനാട് എംപി രാഹുല്‍ ഗാന്ധി. സോഷ്യല്‍ മീഡിയയില്‍ ട്രോളുന്നവര്‍ക്കും ചില അ‍ജണ്ടകളുള്ള മാധ്യമ പ്രവര്‍ത്തകര്‍ക്കും കുശാഗ്ര ബുദ്ധിയുള്ള, തെറ്റായ പ്രചരണ തന്ത്രങ്ങളുള്ള രാഷ്ട്രീയ ഉപദേശകര്‍ക്കും നന്ദി പറയുകയാണ് എന്നായിരുന്നു രാഹുല്‍ പറഞ്ഞത്.
തന്‍റെ ഔദ്യോഗിക ട്വിറ്റര്‍ പേജിലൂടെയാണ് രാഹുല്‍ എല്ലാവര്‍ക്കും നന്ദി പറഞ്ഞത്. താൻ കരുത്താർജിച്ചതിനു പിന്നിൽ വിമർശകർക്കും എതിരാളികൾക്കുമുള്ള സംഭാവനകൾ സ്മരിച്ചാണ് രാഹുൽ അധ്യാപകദിനാശംസ നേർന്നത്.
‘അധ്യാപകദിനത്തിൽ, ഇത്രയും കാലത്തിനിടെ ഞാൻ പാഠങ്ങളുൾക്കൊണ്ട എല്ലാവർക്കും നന്ദി. സോഷ്യൽ മീഡിയ ട്രോളുകൾ, അജണ്ടയുള്ള ചില മാധ്യമപ്രവർത്തകർ, രാഷ്ട്രീയ എതിരാളികൾ എന്നിവരടക്കം എല്ലാവർക്കും. അവരുടെ ക്രൂരമായ അമ്പുകളും വ്യാജ പ്രചാരവേലകളും കോപവും എന്നെ ഒരുപാട് പഠിപ്പിച്ചിട്ടുണ്ട്. അവ എന്നെ കൂടുതൽ കരുത്തനാക്കി.’ – രാഹുൽ ഗാന്ധി ട്വിറ്ററിൽ കുറിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
